Verfüärerisch

 

Cake isch öisi grossi Lidäschaft. Das isch scho immer so gsi. Und will öis d’Cakes, wo mir bisher kännt händ hüfig einfach z’langwilig gsi sind, hämir öis eines Tages zsämegsetzt und überleit, was mir besser machä chönd. Und vor alläm wiä.

Mir händ Cakes welle, wo feiin, locker, chnuschprig, und saftig sind. Cakes, wo sinnlich und gsund sind. Cakes, wo fantasievoll und abwächsligsriich sind. Und mir händ Cakes welle, wo nüt inechunnt, was nöd ineghört. 

Churz: Cakes, wo Fröid mached und mir sälber au gärn ässed.

So si mir quer dur d’Welt greist, zum di beschtä Partner, di beschtä Liferantä und di beschtä Zuätate z’findä. Mir händ Ideä gschponnä und wide verworfä. Mir händ a oisnä Rezäpt gfiilt, bis si perfäkt gsi sind. Und mir händ öisi Verfahrä so wit perfektioniert, dass mir das Gheimnis – pssst –  niä, niä, niä verratä würded. Unter gar keine Umständ! Bim Rockzipfel vo öisne Großmüätterä.

Freuäd Sie sich jetzt uf ußergwöhnlichi Cakes und ä großi Uswahl a süässe und salzigä fantasievollä Produkt. Zum allei schlemmä. Zum mitenand verschlingä. Oder zum verschänke.