Im Zeicha vom Paradiesvogl 1

Im Zeicha vom Paradiesvogl 1

Dä Paradiesvogel isch eini vo dä sältenschtä Vogelarte und vor allem i de Wälder vo Papua Neuguinea dähei. Bsunders d’Männdli kennzeichned sich dur es uffallends schillernds und farbigs Fäderchleid. Wänn’s drum gat, dä Vorzug zu Gunstä erfolgricher Werbig z’nutzä, dörf me getrost behaupte, dass dä Vogel d’Kunst vo dä Verfüerig perfektioniert hät.

Wo di zwei Brüäderä Dirk und Meyert Grootes 1825 im holländische Westzaan d’Firma Grootes gründet händ, händ si agfange in ere Mühli Gwürz, Getreide und sogar Lapislazuli z’mahle. Beflügelt vo Neugier und Pioniergeist sind di findige Brüäderä wenig spöter uf eine vo dä wertvollschte Rohstoff vo dä Welt gstossä – uf Kakao. Kakao isch zu dere Ziit so koschtbar gsi, dass er ällei am Adel vorbehalte gsi isch. Und so isch es cho, dass d’Familiä Grootes bereits im Jahr 1844 agfange hät, sich uf d’Herstellig vo Schoggi z’konzentrierä, zum mit ihrä d’Gunscht vom Adel z’erlange. D’Verfüährigsstrategi isch ufgange. Scho bald isch „Grootes Feine Chocoladen“ i dä Müüler vom öschtrichische Kaiser- und holländische Königshus verschmolze. Und als Verbügig vor däm schillernde Tier - Markenzeiche vo dä Länder mit de Kakaobohne, wo de Gründer zu so vil Anerkennig und Ehr verholfe hät – hät de Paradiesvogel ab sofort s’Wappen vo dä Familiä ziert.